ලංකා ඉතිහාසයේ අපේක්ෂකයකු ගත් වැඩිම මනාප විජිත ගනී, හරිණිගේ වාර්තාව අලුත් කරයි

2024 මහ මැතිවරණය සඳහා ජාතික ජන බලවේගයෙන් ගම්පහ දිස්ත්‍රික්කය සඳහා ඉදිරිපත් වූ විජිත හේරත් මහතා මනාප ඡන්ද 716,715ක් ලබාගනිමින් ගම්පහ දිස්ත්‍රික්කයේ පළමුවැනියා වී තිබේ. එය මෙවර මැතිවරණයේ අපේක්ෂකයෙකු ලබාගත් වැඩිම මනාප සංඛ්‍යාව වන අතර ලංකා ඉතිහාසයේ අපේක්ෂකයෙකු ලබාගත් වැඩිම මනාප සංඛ්‍යාවද වේ.

ගම්පහ දිස්ත්‍රික්කයේ මනාප ප්‍රතිඵලය මේ වනවිට නිකුත් කර තිබේ. ගම්පහ දිස්ත්‍රික්කයේ සමස්ත ප්‍රතිඵලය අනුව ජාතික ජන බලවේගයට මන්ත්‍රි ධුර 16ක් හිමිවිය.

මීට පෙර කොළඹ දිස්ත්‍රික්කයේ මනාප නිකුත් කර තිබූ අතර ඒ වනවිට වැඩිම මනාප ලබාගත් අපේක්ෂකයා බවට පත්ව තිබුණේ අග්‍රාමාත්‍ය හරිනි අමරසූරිය වන අතර එම වාර්තාව විජිත විසින් බිඳ දමා ඇත.

1. විජිත හේරත් – 716,715
2. අනිල් ජයන්ත – 162,433
3. මහින්ද ජයසිංහ – 137,315
4. ක්‍රිෂාන්ත අබේසේන – 121,725
5. මෙහොමඩ් මුනීර් – 109,815
6. අශෝක රන්වල – 109,332
7. ධර්මප්‍රිය විජේසිංහ – 83,061
8. රුවන් මාපලගම – 78,673
9. ලසිත් භාෂණ – 74,058
10. ප්‍රගීත් මධුරංග – 70,887
11. චම්පික හෙට්ටිආරච්චි – 70,373
12. ජයකොඩි ආරච්චිගේ රුවන්තිලක – 68,210
13. හේමාලි සුජීවා – 66,737 
14. උපාලි ප්‍රියන්ත අබේවික්‍රම- 60,595
15. ප්‍රියාන් ස්ටෙෆනී ප්‍රනාන්දු – 57,634
16. චමින්ද ලලිත්කුමාර – 53,451