ඕස්ට්‍රේලියානු වික්ටෝරියා ප්‍රාන්ත අයවැය ගැටළු හේතුවෙන් සත්කාරකත්වය සැපයීමේ සැලසුම් අවලංගු කිරීමට ප්‍රාන්ත රජය තීරණය කරන ලදි.එබැවින් 2026 පොදුරා
ඕස්ට්‍රේලියානු වික්ටෝරියා ප්‍රාන්ත අයවැය ගැටළු හේතුවෙන් සත්කාරකත්වය සැපයීමේ සැලසුම් අවලංගු කිරීමට ප්‍රාන්ත රජය තීරණය කරන ලදි.
එබැවින් 2026 පොදුරාජ්‍ය මණ්ඩලීය ක්‍රීඩා උළෙල ඕස්ට්‍රේලියාවේ පැවැත්වීම අවිනිෂ්චිත තත්ත්වයක පවතී.
2022 අප්‍රේල් මාසයේදී Victoria ස්වේච්ඡාවෙන් ඉදිරිපත් වීමට පෙර පොදුරාජ්‍ය මණ්ඩලීය ක්‍රීඩා සම්මේලනය (CGF) සත්කාරකයකු සොයා ගැනීමට මහත් පරිශ්‍රමයක් දැරීය.
එහෙත් ප්‍රක්ෂේපිත පිරිවැය දැන් තුන් ගුණයකින් වැඩි වී ඇති අතර රජයට දැරීමට නොහැකි තරම් වැඩි වී ඇති බව අගමැතිවරයා පැවසීය.
පොදුරාජ්‍ය මණ්ඩලීය ක්‍රීඩා සම්මේලනය මෙම තීරණය පිළිබඳව කණගාටුව පළකර ඇති අතර මේ සඳහා විසඳුමක් සෙවීමට කැපවී සිටින බව පැවසීය.
පොදුරාජ්‍ය මණ්ඩලීය ක්‍රීඩා උළෙල වසර හතරකට වරක් පැවැත්වෙන බහු ක්‍රීඩා තරගාවලියකි.
වික්ටෝරියානු අග්‍රාමාත්‍ය Daniel Andrews අඟහරුවාදා කියා සිටියේ,
තම ප්‍රාන්තය පසුගිය වසරේ සත්කාරකත්වය සඳහා ප්‍රවේශ වූ විට උදව් කිරීමට සතුටු වූ නමුත් කිසිම මූල්‍යමය වටිනාකමකට නොවන බවයි.
අගමැති Rishi Sunakගේ ප්‍රකාශක පැවසුවේ,
ඕස්ට්‍රේලියානු බලධාරීන් සහ CGF විසින් පැහැදිලි විසඳුමක් සොයා ගත හැකි වනු ඇතැයි එක්සත් රාජධානියේ රජය බලාපොරොත්තු වන බවයි.
දැන් දින 12ක තරඟාවලිය සඳහා ඔස්ට්‍රේලියානු ඩොලර් බිලියන 6කට (පවුම් බිලියන 3.13; ඩොලර් බිලියන 4.09) වඩා වැඩි මුදලක් වැය වෙතැයි අපේක්ෂා කරන බව Andrews පැවසීය.
ඔවුන්ගේ තීරණය CGF වෙත දැනුම් දීමට පෙර, ක්‍රීඩා Melbourne වෙත ගෙන යාම ඇතුළුව සෑම විකල්පයක්ම රජය සලකා බැලූ බව Andrews මහතා පැවසීය.
