HomeGeneral

රජයේ මුළු CT ස්කෑනර් යන්ත්‍රවලින් තුනෙන් එකක් අක්‍රියය තත්ත්වයේ

රජයේ මුළු CT ස්කෑනර් යන්ත්‍රවලින් තුනෙන් එකක් අක්‍රියය තත්ත්වයේ

රජයේ රෝහල්වල ඇති සමස්ත සීටී ස්කෑන් (CT Scan) යන්ත්‍රවලින් තුනෙන් එකක් මුළුමනින්ම අක්‍රිය බව වෛද්‍ය වෘත්තිකයන් පෙන්වා දෙති.

චමරි ICC එක්දින පිතිකරණ ශ්‍රේණිගත කිරීම්වල ඉහළට පැමිණි දෙවැනි ශ්‍රී ලාංකික ක්‍රීඩිකාව බවට පත්වෙයි
ගෙවී ගිය සතියේ නව Covid19 රෝගීන් 14,657ක්, තවත් මරණ 43ක්
ශ්‍රී ලංකාවේ ජනපති හමුවූ චීනයේ විශේෂ නියෝජිතයා

රජයේ විකිරණ විද්‍යා තාක්ෂණවේදීන්ගේ සංගමයට අනුව රජයේ රෝහල්වල සීටී ස්කෑන් යන්ත්‍ර 44ක් ඇත. ඒ අනුව කොළඹ ජාතික රෝහලේ හදිසි ප්‍රතිකාර ඒකකයේ සීටී ස්කෑන් යන්ත්‍ර 12ක්, කුරුණෑගල, කරාපිටිය, ත්‍රිකුණාමලය, හම්බන්තොට, බදුල්ල, රත්නපුර, කළුතර, හොරණ, ජාතික දන්ත රෝහල, සිරිමාවෝ බණ්ඩාරනායක විශේෂිත ළමා රෝහල සහ මාතර රෝහලේ සෙසු සී.ටී. ක්‍රියාත්මක නොවීම නිසා රෝගීන්ට සහ වෛද්‍යවරුන්ට ද විශාල අපහසුතාවයක් ඇති කරයි. මේ සමහර යන්ත්‍ර මාස ගාණකින් ක්‍රියාත්මක වෙන්නේ නැහැ. සමස්තයක් වශයෙන් ගත් කල, පෞද්ගලික රෝහල්වලට යාමට හැකියාවක් නොමැති මේ ප්‍රශ්නයේ වැඩි බරක් දරා ගැනීමට සිදුව ඇත්තේ දුප්පත් ජනතාවටය.

“ඒ නිසා සෞඛ්‍ය අමාත්‍යාංශය මේ යන්ත්‍ර නිවැරදි කර පද්ධතියට ගෙන ඒමට කඩිනම් පියවර ගත යුතුයි” යැයි විකිරණවේදීන්ගේ සංගමය පවසයි.

මේ සම්බන්ධයෙන් අදහස් දක්වමින් GMOA මාධ්‍ය ප්‍රකාශක වෛද්‍ය චමිල් විජේසිංහ මාධ්‍ය වෙත කියා සිටියේ මෙම යන්ත්‍ර ක්‍රියා විරහිත වීම හේතුවෙන් ඇතැම් රෝග නිවැරදිව හඳුනා ගැනීමට වෛද්‍යවරුන් ද දුෂ්කරතාවන්ට මුහුණ දෙන බවත් එමඟින් ව්‍යාකූලත්වයට පත්වන බවත්ය. මේ අතර සෞඛ්‍ය සේවා අධ්‍යක්ෂ ජනරාල් වෛද්‍ය අසේල ගුණවර්ධන මහතා ප්‍රවෘත්ති සාකච්ඡාවකට එක්වෙමින් කියා සිටියේ “පසුගිය වසර දෙක තුළ සෞඛ්‍ය අමාත්‍යාංශයට ප්‍රමාණවත් මුදල් ලබා නොදීම නිසා මෙම යන්ත්‍ර ප්‍රතිසංස්කරණය කිරීම ප්‍රමාද වී ඇති” බවයි.

“කෙසේ වෙතත්, අප දැන් බාධා ඉවත් කර ඇති බැවින්, මෙම යන්ත්‍ර මාසයක් ඇතුළත අලුත්වැඩියා කිරීමට කඩිනම් පියවර ගනිමින් සිටී,” ඔහු වැඩිදුරටත් පැවසීය.

පරිගණක ගත ටොමොග්‍රැෆි (CT) ස්කෑන් මගින් මිනිස් සිරුර වටා විවිධ කෝණවලින් ලබාගත් X-ray රූප මාලාවක් ඒකාබද්ධ කරන අතර ශරීරය තුළ ඇති අස්ථි, රුධිර නාල සහ මෘදු පටක වල හරස්කඩ රූප (පෙති) නිර්මාණය කිරීමට පරිගණක සැකසුම් භාවිතා කරයි. CT ස්කෑන් රූප සාමාන්‍ය X-ray රූපවලට වඩා සවිස්තරාත්මක තොරතුරු සපයයි.

Share this:
error: Content is protected !!