ශ්‍රී ලාංකිකයින්ට මෙන්ම විදේශිකයන්ටද දිවයින පුරා පිහිටි රජයේ රෝහල්වල ගෙවන වාට්ටු පිහිටුවීමේ යෝජනාවට අමාත්‍ය මණ්ඩලයේ අනුමැතිය හිමිව තිබෙනවා.
රජය පවසන පරිදි, රජයේ රෝහල්වල ගෙවන වාට්ටු පහසුකම දීර්ඝ කිරීම සඳහා ජනාධිපති රනිල් වික්‍රමසිංහ මහතා විසින් 2023 අයවැය මගින් ඉදිරිපත් කරන ලද යෝජනාවක් පාර්ලිමේන්තුව විසින් අනුමත කරන ලදී. රාජ්‍ය සේවකයින් සහ ජ්‍යෙෂ්ඨ පුරවැසියන් ඇතුළු මහජනතාව මේ වන විට රජය විසින් සපයනු ලබන රක්ෂණ ක්‍රම භාවිත කරමින් ප්‍රතිකාර ලබමින් සිටිති.
රජයේ රෝහල්වල ලබාදෙන විවිධ සෞඛ්‍ය සේවා මුදල් ගෙවා ලබාගැනීමට ඇතැම් පුද්ගලයන් කැමැත්තෙන් සිටින බව නිරීක්ෂණය වී ඇති බව රජය වැඩිදුරටත් සඳහන් කළේය. ඒ අනුව ශ්‍රී ලාංකිකයින් සහ විදේශිකයන් සඳහා රජයේ රෝහල්වල ගෙවන වාට්ටු ස්ථාපිත කිරීමට සෞඛ්‍ය අමාත්‍යවරයා ඉදිරිපත් කළ යෝජනාවට අමාත්‍ය මණ්ඩල අනුමැතිය හිමිව තිබෙනවා.
