රික්ටර් මාපකයේ 6.6 ක ප්‍රබල භූමිකම්පාවක් Whakatane සිට කිලෝමීටර් 670ක් ඊසාන දෙසින් උතුරු දිවයින හරහා සිදුවිය. වාසනාවකට මෙන්, නවසීලන්තයට සුනාමි අවදානමක් නොමැති බව බලධාරීන් තහවුරු කර ඇත.
M7.0 Kermadec Islands භූමිකම්පාව හේතුවෙන් සුනාමි තර්ජනයක් මතු වුවහොත් පූර්වාරක්ෂාව ගන්නා ලෙස වෙරළ ආසන්නයේ පදිංචිකරුවන්ගෙන් ඉල්ලා සිටින ලෙස ජාතික හදිසි කළමනාකරණ ඒජන්සිය (National Emergency Management Agency – NEMA) නිවේදනයක් නිකුත් කළේය. දිගුකාලීන හෝ ප්‍රබල භූමිකම්පාවක් දැනේ නම්, උස් බිම් වෙත හෝ හැකිතාක් දුරට රට අභ්‍යන්තරයට යන ලෙස ඔවුහු ජනතාවට උපදෙස් දුන්හ. කෙසේ වෙතත් ඔවුන්ගේ නවතම යාවත්කාලීනයේදී NEMA නවසීලන්ත වැසියන්ට සහනදායී පුවත් ලබා දුන්නේය. ඔවුන් වාර්තා කළේ දැනට පවතින තොරතුරු මත පදනම්ව මූලික තක්සේරුව වන්නේ භූ කම්පනය නවසීලන්තයට තර්ජනයක් වන සුනාමියක් ඇති කිරීමට ඉඩ නොමැති බවයි. භූ කම්පනය රිච්ටර් මාපකයේ 6.6ක ප්‍රබලත්වයකින් යුතු බවට තක්සේරු කර ඇත.
රාත්‍රී 9 ට පමණ Kermadec දූපත් ආසන්නයේ භූමිකම්පාව හටගෙන ඇති අතර එය කිලෝමීටර් 69 ක් ගැඹුරින් විය. GeoNet මුලින් භූමිකම්පාව වාර්තා කළේ රිච්ටර් මාපකයේ 6.9 ක ප්‍රභල සිදුවීමක් ලෙස වන අතර එය උතුරු දූපත හරහා දැනුණු “ghost quakes” දෙකක් ද ඇති කළේය. උතුරු දිවයින ආශ්‍රිතව කම්පන තත්වයක් ඇතිවූ බව 4,700 කට අධික පිරිසකගෙන් වාර්තා විය.” GeoNet ප්‍රකාශ කළේය.
තවදුරටත් GeoNet කියා සිටියේ එහි අපිකේන්ද්‍රය Whakatane සිට කිලෝමීටර් 665ක් ඊසාන දෙසින් පිහිටා ඇති බවය. ස්වභාවික විපත්වලින් පසු ප්‍රජාවගේ ආරක්ෂාව සහතික කරමින් බලධාරීන් විසින් තත්ත්වය අධීක්‍ෂණය කරමින් අවශ්‍ය පරිදි යාවත්කාලීන කිරීම් සිදු කරයි.
