කොළඹ විශ්වවිද්‍යාලය බිහි කළ (කොළඹ මණ්ඩපය) විද්‍යාර්ථීන් අතර ජීවමානව සිටින පැරණිතම විද්‍යාර්ථිනිය ලෙස සම්මානනීය රංගවේදිනී අයිරාං
කොළඹ විශ්වවිද්‍යාලය බිහි කළ (කොළඹ මණ්ඩපය) විද්‍යාර්ථීන් අතර ජීවමානව සිටින පැරණිතම විද්‍යාර්ථිනිය ලෙස සම්මානනීය රංගවේදිනී අයිරාංගනී සේරසිංහ මහත්මිය සම්මානයට පාත්‍රවී ඇත.
මේ වනවිට 97 වැනි වියෙහි පසුවන එතුමිය 40 දශකයේදී කොළඹ සරසවියේ කිං ජෝර්ජ් ශාලාවෙන් ඇරඹි රංගන ජීවිතය තුළදී සුවිශේෂී කලා නිර්මාණ රාශියකට පණපෙවීමට ඇය සමත් විය. දශක ගණනාවක් පුරාවට ඇය විසින් ශ්‍රී ලංකාවේ කලා ක්ෂේත්‍රයට සිදු කරන ලද අප්‍රමාණ සේවය උදෙසා පෙරේදා (28) දින ඇතුල්කෝට්ටේ පිහිටි එතුමියගේ නිවසේදී එතුමිය හට විශේෂ සම්මානයක් පිළිගන්වන ලදි.
කොළඹ විශ්වවිද්‍යාලයේ උපකුලපති මහාචාර්ය H.D කරුණාරත්න මහතා ඇතුළු ආදී විද්‍යාථීන්ගේ සංවිධානය, සාමාජිකයන් හා කලා මණ්ඩලය, ශිෂ්‍ය අනුශාසක කාර්යාලය සහ විනය ආරක්ෂක කාර්යාලය එක්ව ඇගේ ප්‍රධානත්වයෙන් මෙම උපහාර පිදීමේ උලෙළ සංවිධානය කරනු ලැබීය. ඇයගේ ප්‍රථම සිනමා නිර්මාණය වන “සංදේශය” මාර්තු මස 11 වැනි දින සවස 2.30ට නව කලාගාරයේදී ප්‍රදර්ශනය කිරීමට අපේක්‍ෂා කෙරේ.
