මේ වසරේ නොබෙල් ත්‍යාගලාබීන් නම් කිරීම පසුගිය සති කිහිපයේදී සිදුවිය. නොබෙල් ත්‍යාගය පිරිනැමෙනුයේ ඒ ඒ වර්ෂ වල රසායන විද්‍යා, වෛද්‍ය, භෞතික විද්‍යා, ආර්
මේ වසරේ නොබෙල් ත්‍යාගලාබීන් නම් කිරීම පසුගිය සති කිහිපයේදී සිදුවිය. නොබෙල් ත්‍යාගය පිරිනැමෙනුයේ ඒ ඒ වර්ෂ වල රසායන විද්‍යා, වෛද්‍ය, භෞතික විද්‍යා, ආර්ථික විද්‍යා හා සාහිත්‍ය මෙන්ම ලෝක සාමය උදෙසා යන ක්ෂේත්‍ර වලින් මානව වර්ගයාගේ යහපත උදෙසා කළ නව නිර්මාණ හා සොයාගැනීම වලට ගෞරවය පිණිස වේ.
ඇල්ෆ්‍රඩ් නොබෙල් ඔහුගේ අවසාන කැමැත්ත සහ ගිවිසුමේ ඔහු පිහිටුවීමට බලාපොරොත්තු වූ ත්‍යාග සඳහා වගකිව යුතු ආයතන නිශ්චිතව නම් කළේය. ඒ අනුව එම ආයතන නම්, භෞතික විද්‍යාව හා රසායන විද්‍යාව පිළිබඳ නොබෙල් ත්‍යාගය සඳහා රාජකීය ස්වීඩන විද්‍යා ඇකඩමිය, කායික විද්‍යාව හෝ වෛද්‍ය විද්‍යාව පිළිබඳ නොබෙල් ත්‍යාගය සඳහා කැරොලින්ස්කා ආයතනය, නොබෙල් සාහිත්‍ය ත්‍යාගය සඳහා ස්වීඩන් ඇකඩමිය, සහ නොබෙල් සාම ත්‍යාගය සඳහා නෝර්වීජියානු පාර්ලිමේන්තුව (Storting) විසින් තෝරා පත් කර ගනු ලබන පස් දෙනෙකුගෙන් යුත් කමිටුවක්.
1968 දී, Sveriges Riksbank විසින් ඇල්ෆ්‍රඩ් නොබෙල් අනුස්මරණය සඳහා ආර්ථික විද්‍යාව සඳහා Sveriges Riksbank ත්‍යාගය පිහිටුවන ලදී. රාජකීය ස්වීඩන් විද්‍යා ඇකඩමියට 1969 සිට ආර්ථික විද්‍යා සම්මානලාභීන් තෝරා ගැනීමේ කාර්යය භාර දෙන ලදී. ඒ අනුව සෑම වසරකම ඔක්තෝබර් මාසයේදී මෙම ත්‍යාග ලාභීන් නම් කෙරේ.
ඒ අනුව මෙවර,
කායික විද්‍යාව හෝ වෛද්‍ය විද්‍යාව වෙනුවෙන් – Victor Ambros සහ Gary Ruvkun
රසායන විද්‍යාව වෙනුවෙන් – David Baker, Demis Hassabis සහ John M. Jumper
භෞතික විද්‍යාව වෙනුවෙන් – John J. Hopfield සහ Geoffrey E. Hinton
ආර්ථික විද්‍යාව වෙනුවෙන් – Daron Acemoglu, Simon Johnson සහ James A. Robinson
සාහිත්‍ය වෙනුවෙන් – Han Kang
නොබෙල් සාම ත්‍යාගය වෙනුවෙන් – Nihon Hidankyo
යන අය සඳහා පිරිනමන ලදී.
