දැනට ශ්‍රී ලංකා white-ball ක්‍රිකට් කණ්ඩායමේ උපනායක චරිත් අසලංක විස්සයි20 සහ එක්දින තරඟ දෙකෙහිම නායකත්වය භාර ගැනීමට නියමිතය. වනිඳු හසරංග විස්සයි20 නායකත්වයෙන් ඉල්ලා අස්වීම සහ කුසල් මෙන්ඩිස් එක්දින කණ්ඩායමේ නායකත්වයේ අසාර්ථකත්වය හේතුවෙන් මෙම තීරණය ගෙන ඇත.
අසලංක නායකත්වය දරන ඉන්දියාවට එරෙහිව එළඹෙන white-ball තරඟාවලිය සඳහා වන ශ්‍රී ලංකා සංචිතය ක්‍රීඩා අමාත්‍යවරයාගේ අනුමැතිය බලාපොරොත්තුවෙන් සිටියි. විස්සයි20 සහ එක්දින තරඟ තුන බැගින් සඳහා ඉන්දියාව ජූලි සිට අගෝස්තු දක්වා ශ්‍රී ලංකාවේ සංචාරය කරනු ඇත. ධනංජය ද සිල්වා, සධීර සමරවික්‍රම සහ ඇන්ජලෝ මැතිව්ස් වැනි ජ්‍යෙෂ්ඨ ක්‍රීඩකයින් සංචිතයෙන් ඉවත් කර ඇති අතර, කුසල් ජනිත් පෙරේරා, දිනේෂ් චන්දිමාල් සහ අවිශ්ක ප්‍රනාන්දු ඇතුළු ලංකා ප්‍රිමියර් ලීග් තරඟාවලියේ ඉහළ දස්කම් දැක්වූ ක්‍රීඩකයින් මෙම සංචිතයට ඇතුළත්ව තිබීම විශේෂත්වයකි. චමිඳු වික්‍රමසිංහ සිය මංගල ජාත්‍යන්තර තරඟයට ක්‍රීඩා කිරීමට නියමිතයි.
2021 වසරෙන් පසු ශ්‍රී ලංකාවේ පැවැත්වෙන පළමු ද්විපාර්ශ්වික තරඟමාලාව සනිටුහන් කරමින් ශුබ්මන් ගිල් උපනායක ලෙසින් ඉන්දීය කණ්ඩායම මෙහෙයවනු ලබන්නේ සූර්යකුමාර් යාදව් විසිනි. විස්සයි20 ලෝක කුසලාන ජයග්‍රහණයෙන් පසු රාහුල් ඩ්‍රාවිඩ්ගේ සමුගැනීමෙන් පසුව ගෞතම් ගාම්භීර් ඉන්දීය පුහුණුකරු ලෙසින් ආරම්භ කරනු ඇත.
