2023 ICC පිරිමි ක්‍රිකට් ලෝක කුසලාන සුදුසුකම් ලැබීමේ තරඟයට සහභාගී වීම සඳහා කණ්ඩායම සිම්බාබ්වේ බුලවායෝ හි ඇති හෝටලයේ ඇති වූ පිරික්සුම් ක්‍රියාවලියේ (check-in process) ප්‍රමාදයක් සම්බන්ධයෙන් පහත පැහැදිලි කිරීම් ශ්‍රී ලංකා ක්‍රිකට් ආයතනය ඉදිරිපත් කළේය.
ශ්‍රී ලංකා කණ්ඩායම අද (11) දහවල් හෝටලයට පැමිණ ඇති අතර ඇතුළු වන විට ශ්‍රී ලංකා කණ්ඩායමට මදක් පෙර පැමිණි තවත් ජාතික ක්‍රිකට් කණ්ඩායමක් check-in කටයුතුවල නිරතව සිටියහ. මෙම තත්ත්වය ශ්‍රී ලංකා ජාතික කණ්ඩායමේ සමහර ක්‍රීඩකයන් check-in ප්‍රමාද වීමට හේතු විය. කෙසේ වෙතත්, ශ්‍රී ලංකා ක්‍රිකට් ආයතනය මේ පිළිබඳව හෝටල් කළමනාකාරීත්වයට වාර්තා කිරීමෙන් පසු කෙටි කාලයක් තුළ එම ගැටලුව නිවැරදි කර ගැනීමට සමත් විය.
