එයාර් නිව්සීලන්ඩ් ගුවන් සමාගමේ ලාභය පහළ යනු ඇතැයි පුරෝකථනය කරයි

එයාර් නිව්සීලන්ඩ් ගුවන් සමාගම ගෝලීය එන්ජින් නඩත්තු ප්‍රමාද වීම් හේතුවෙන් ඇති වූ ගුවන් යානා හිඟය ඇතුළු අභියෝග හේතුවෙන් අර්ධ වාර්ෂික ලාභය පහළ යනු ඇතැයි අපේක්ෂා කරයි. පසුගිය වසරේ ඩොලර් මිලියන 186ක් වූ ලාභය මෙවර දෙසැම්බර් මස අවසන් වන මාස හය තුළ ඩොලර් මිලියන 120-160(අතර) දක්වා පහළ යනු ඇතැයි පුරෝකථනය කර තිබේ.

ගුවන් යානා දහයක් පමණ සේවයෙන් ඉවත් කර ඇති අතර, මෙම තත්ත්වය 2026 වසර දක්වා පැවතිය හැකි බව පැවසේ. ව්‍යාපාරික ගුවන් ගමන් සඳහා ඉල්ලුම වැඩි වී ඇතත්, රජයේ ව්‍යාපාරික ගුවන් ගමන් දුර්වල මට්ටමක පවතී. දේශීය ගුවන් සේවා වෙළඳපොළෙන් 80%ක් පාලනය කරන එයාර් නිව්සීලන්ඩ් සමාගම ඉල්ලුම අනුව ගුවන් ගමන් කාලසටහන් සකස් කර තිබේ.