ශ්‍රී ලංකාවේ නව ජනාධිපතිවරයා ලෙස අනුර කුමාර දිසානායක මහතා පසුගියදා තේරී පත්වීමෙන් පසු ශ්‍රී ලංකාවේ ආර්ථික හා සමාජ සංවර්ධනය සඳහා ඵලදායී කාර්යභාරයක් ඉටු කිරීමට චීනය කැමැත්ත පළ කර තිබේ.
නිවේදනයක් නිකුත් කරමින් චීන විදේශ අමාත්‍යාංශයේ ප්‍රකාශක ලින් ජියන් දිසානායක මහතාට සුබ පැතූ අතර, ශ්‍රී ලංකාවේ අභ්‍යන්තර කටයුතුවලට අන්‍යෝන්‍ය ගෞරවය සහ මැදිහත් නොවීම සඳහා චීනයේ කැපවීම යලි තහවුරු කළේය.
දිසානායක මහතා වෙත සුබපැතුම් පණිවිඩයක් ද එවා තිබූ ජනාධිපති ෂී ජින්පින්ග් මහතා දෙරට අතර පවතින ශක්තිමත් සබඳතාව අවධාරණය කළේය. තීරය සහ මාර්ග මුලපිරීම යටතේ සහයෝගීතාව වැඩිදියුණු කිරීම සහ රටවල් අතර උපායමාර්ගික හවුල්කාරිත්වය තවදුරටත් ශක්තිමත් කිරීම සඳහා නව පරිපාලනය සමඟ සමීපව කටයුතු කිරීමට චීනය පොරොන්දු විය.
