කිවි විදුලි යතුරුපැදි ඕස්ට්‍රේලියානු තැපැල් සේවයට…

නවසීලන්තයේ විද්‍යුත් යතුරුපැදි නිෂ්පාදක UBCO නව විදුලි උපයෝගිතා බයිසිකලයක් සැපයීම සඳහා Australia Post සමඟ ගිවිසුමක් අත්සන් කර ඇත. ඕස්ට්‍රේලියාවේ විවිධ ප්‍රාන්තවල සාර්ථක මාස 18ක අත්හදා බැලීමකින් පසුව, ටවුරංගාහි සමාගම මෙම හවුල්කාරීත්වය සමඟින් ඕස්ට්‍රේලියානු වෙළඳපොළට පිවිසීමට සූදානම් වෙයි.
ඕස්ට්‍රේලියානු තැපැල් සේවයේ ප්‍රධාන විධායක නිලධාරී පෝල් ග්‍රැහැම් මහතා මෙම ගිවිසුමේ වැදගත්කම අවධාරණය කරමින් පැවසුවේ නව විදුලි බයිසිකල් රථ ආයතනයේ පොසිල ඉන්ධන මත රඳා පැවැත්ම අඩු කිරීමේදී සහ තිරසාර ප්‍රයත්නයන් ඉදිරියට ගෙන යාමේදී තීරණාත්මක කාර්යභාරයක් ඉටු කරනු ඇති බවයි. මූලික අදියර යටතේ නියමු වැඩසටහනක කොටසක් ලෙස බයිසිකල් 175ක් යොදවන අතර, මෙය ඕස්ට්‍රේලියාව පුරා සිටින තැපැල්කරුවන් 10,000ක් සඳහා විශාල දියත් කිරීමකට මඟ පාදනු ඇත.
UBCO හි ප්‍රධාන විධායක නිලධාරී ඔලිවර් හුටාෆ් මහතා මෙම සහයෝගීතාවය ගැන සිය උද්යෝගය පළ කරමින් පැවසුවේ මෙම බයිසිකල් පාරිසරික බලපෑම අවම කරමින් බෙදාහැරීමේ සේවාවල ඉහළ ඉල්ලුම සපුරාලීමට සැලසුම් කර ඇති බවයි. මෙම විදුලි බයිසිකල්වලට පැයට කිලෝමීටර 80ක උපරිම වේගයකට ළඟා විය හැකි අතර ඒවා ශුන්‍ය නිකුතු(zero tailpipe emissions) පිට කරන වාහන වේ.
මෙම හවුල්කාරීත්වය UBCO සඳහා සැලකිය යුතු සන්ධිස්ථානයක් සනිටුහන් කරයි. දශකයකට පෙර නවසීලන්ත ගොවිපොළක ආරම්භ වූ සමාගම දැන් නවීනතම විදුලි රථ ඇණි විසඳුම් සපයන තත්ත්වයට වර්ධනය වී ඇත.

UBCO ඕක්ලන්ඩ් සහ වෙලින්ටන් ඇතුළු නගර කිහිපයක නවසීලන්ත තැපැල් සේවය සමඟත්, අනෙකුත් ජාත්‍යන්තර ඒජන්සි සමඟත් අත්හදා බැලීම් සැලසුම් කරමින් සිටී.
UBCO හි සාර්ථකත්වය නවසීලන්තයේ විදුලි වාහන අලෙවිය පහත වැටීම හේතුවෙන් අවධානය වෙනස් කර ඇති ක්‍රයිස්ට්චර්ච් පදනම් කරගත් විදුලි වාහන ආරෝපක නිෂ්පාදක Evnex වැනි නවසීලන්ත සමාගම් ඕස්ට්‍රේලියානු වෙළඳපොළට පිවිසීමේ පුළුල් ප්‍රවණතාවයක් අනුගමනය කරයි.

වැඩි විස්තර: https://ubco.com/blogs/silentjourney/australia-post