නවසීලන්තයේ හි නවතම උපත්, මරණ සහ ජනගහන සංඛ්‍යා ගැන අනාවරණයක්

2024 ජූනි මාසයෙන් අවසන් වූ වසරේ නවසීලන්තයේ සජීවී උපත් සහ මරණ සංඛ්‍යාව පෙර වසරට සාපේක්ෂව මඳ වශයෙන් අඩු වී ඇති බව නවසීලන්ත සංඛ්‍යාලේඛන දෙපාර්තමේන්තුව (Stats NZ) විසින් නිකුත් කරන ලද නව දත්ත වලින් හෙළි වේ.

2024 ජූනි මාසයෙන් අවසන් වූ වසරේදී සජීවී උපත් 57,006ක් වාර්තා වූ අතර, එය 2023 ජූනි මාසයේ වාර්තා වූ 57,534ට වඩා අඩු අගයකි. මරණ සංඛ්‍යාව ද 37,500 දක්වා මඳ වශයෙන් අඩු වී ඇති අතර, පෙර වසරේ එය 38,346ක් විය.

මුළු සශ්රීකත්ව අනුපාතය කාන්තාවකට උපත් 1.60 සිට 1.53 දක්වා පහත වැටුණු අතර, ළදරු මරණ අනුපාතය සජීවී උපත් 1,000කට 3.55 සිට 4.95 දක්වා ඉහළ ගොස් තිබේ. 2016 සිට 2022 දක්වා කාලය තුළ සිදු වූ නමුත් පසුගිය වසරේදී පමණක් ලියාපදිංචි කරන ලද සමහර මරණ හේතුවෙන් මෙම ඉහළ ළදරු මරණ අනුපාතය අංශික වශයෙන් පැහැදිලි වන බව නවසීලන්ත සංඛ්‍යාලේඛන දෙපාර්තමේන්තුව සඳහන් කරයි.

උපත් හා මරණ සංඛ්‍යාවේ අඩුවීමක් දක්නට ලැබුණ ද, නවසීලන්තයේ ජනගහනය වැඩිවීම දිගටම සිදුව ඇති අතර, 2024 ජූනි 30 වන විට තාවකාලික ඇස්තමේන්තුව අනුව එය 5,338,500ක් දක්වා ළඟා වී තිබේ. වසර තුළ ජනගහනය 93,500කින් ඉහළ ගොස් ඇති අතර, එයින් 20,300ක් ස්වාභාවික වර්ධනයෙන් (උපත් අඩු මරණ) සහ 73,300ක් ශුද්ධ සංක්‍රමණයෙන් සිදුව ඇත.

2024 ජූනි මාසය වන විට රටේ කාන්තාවන් 2,681,700ක් සහ පිරිමීන් 2,656,900ක් සිටි අතර, සාමාන්‍ය වයස කාන්තාවන් සඳහා අවුරුදු 39.0ක් සහ පිරිමීන් සඳහා අවුරුදු 37.2ක් විය.