ශ්රී ලංකා පාපන්දු සම්මේලනයට (Football Federation of Sri Lanka - FFSL) පනවා තිබූ තහනම වහාම ක්රියාත්මක වන පරිදි ඉවත් කිරීමට පාපන්දු ලෝක පාලක මණ්ඩලය වන FIFA තීරණය කර තිබේ.
FIFA හි ප්රකාශයකට අනුව FIFA කවුන්සිලයේ කාර්යාංශය විසින් මෙම තීරණය ගෙන ඇත්තේ FFSL සම්බාධක ඉවත් කිරීම සඳහා දක්වා ඇති නිර්ණායක සපුරාලීමෙන් පසුවය. 2023 සැප්තැම්බර් 29 වන දින පැවැත්වීමට නියමිත මැතිවරණ සඳහා මැතිවරණ මාර්ග සිතියමක් සම්මත කර ගැනීම ඇතුළු නිර්ණායක FFSL සපුරා ඇති බැවින්, එම අත්හිටුවීම ඉවත් කිරීමට කාර්යාංශය ඊයේ (අගෝස්තු 27) තීරණය කළේය. FIFA සහ Asian Football Confederation (AFC) විසින් 2023 සැප්තැම්බර් මස පැවැත්වෙන මැතිවරණය තෙක් තත්ත්වය අධීක්ෂණය කරන බව එම නිවේදනයේ වැඩිදුරටත් සඳහන් වේ.
