ඉලංකෙයි තමිල් අරසු කට්චි (ITAK) සහ දෙමළ ජාතික සන්ධානය (TNA) ඇතුළු දේශපාලන පක්ෂ කිහිපයක් සහ සිවිල් සංවිධාන විසින් මෙම හර්තාලය සංවිධානය කර ඇත.
දෙමළ ජාතික සන්ධානයේ මඩකලපුව දිස්ත්‍රික් පාර්ලිමේන්තු මන්ත්‍රී ශානකියන් රසමානික්කම් කියා සිටියේ යෝජිත ත්‍රස්ත මර්දන පනතට විරෝධය පළ කරමින් මෙන්ම උතුරු නැගෙනහිර දිගින් දිගටම සිදුවන රාජ්‍ය අනුග්‍රහයෙන් සිදුවන ඉඩම් කොල්ලය හුවා දැක්වීම සඳහා මෙම හර්තාලය දියත් කර ඇති බවයි. හර්තාලයට සහය පළ කරමින් සියලුම ව්‍යාපාරික ස්ථාන සහ පාසල් වසා දමා ඇති අතර යාපනය, මඩකලපුව, ත්‍රිකුණාමලය, මන්නාරම සහ මුලතිව් ඇතුළු උතුරු නැගෙනහිර ප්‍රදේශ කිහිපයක පොදු ප්‍රවාහනයද අත්හිටුවා ඇත.
