නවසීලන්තයේ විද්‍යා පද්ධතිය මූලික ප්‍රතිසංස්කරණයකට ලක්වෙයි

නවසීලන්ත රජය පසුගිය වසර 30ක කාලය තුළ විශාලතම විද්‍යා පද්ධති ප්‍රතිසංස්කරණය නිවේදනය කර තිබේ. දැනට පවතින රාජකීය පර්යේෂණ ආයතන (CRI-Crown Research Institutes) හතක් “පොදු පර්යේෂණ සංවිධාන” (PRO-Public Research Organisations) තුනක් බවට ඒකාබද්ධ කෙරේ. මෙම නව ආයතන පෘථිවි විද්‍යාව, ජෛව ආර්ථිකය සහ සෞඛ්‍ය යන විෂය ක්ෂේත්‍ර කෙරෙහි අවධානය යොමු කරනු ඇත. සිව්වන PRO එක උසස් තාක්ෂණය කෙරෙහි යොමු වේ.

මෙම වෙනස්කම් යටතේ Callaghan Innovation ආයතනය විසුරුවා හැරීම සහ එහි කාර්යයන් නැවත බෙදා හැරීමද සිදු කෙරේ. අගමැති Christopher Luxon සහ විද්‍යා අමාත්‍ය Judith Collins පවසන පරිදි මෙම ප්‍රතිසංස්කරණ මගින් වාර්ෂික විද්‍යා අයවැය වන ඩොලර් බිලියන 1.2 වඩා යහපත් ලෙස භාවිතා කිරීමටත්, ආර්ථිකය සහ නවෝත්පාදන අංශය ශක්තිමත් කිරීමටත් අපේක්ෂා කෙරේ.

මීට අමතරව, රජය වසර 30ක් පුරා පැවති ජාන තාක්ෂණ තහනම ඉවත් කිරීමටද සැලසුම් කර ඇති අතර, එමගින් සෞඛ්‍ය සහ දේශගුණික විපර්යාස ඇතුළු විවිධ අංශවල නව අවස්ථා උදාවනු ඇත. දැනට සිටින CRI නායකයින් මෙම ප්‍රතිව්‍යුහගත කිරීමට සහාය දක්වන අතර, සියලු CRI එක් ආයතනයක් බවට පත් කිරීම වෙනුවට යම් තරගකාරී මට්ටමක් පවත්වා ගැනීමට මෙය උපකාරී වනු ඇත.