"නවසීලන්තයේ වැඩෙන දරුවන්" යන දීර්ඝකාලීන අධ්‍යයනයේ දත්ත භාවිත කරමින් සිදු කළ මෙම පර්යේෂණය, පවුලේ තිර භාවිත නීති, ස්ථුලතාවයට හේතුවන හැසිරීම් (අධික තිර
“නවසීලන්තයේ වැඩෙන දරුවන්” යන දීර්ඝකාලීන අධ්‍යයනයේ දත්ත භාවිත කරමින් සිදු කළ මෙම පර්යේෂණය, පවුලේ තිර භාවිත නීති, ස්ථුලතාවයට හේතුවන හැසිරීම් (අධික තිර භාවිතය සහ කෙටි නින්ද) සහ ළමා ස්ථුලතාව අතර සම්බන්ධතාව විමර්ශනය කරයි.
ඕක්ලන්ඩ් විශ්වවිද්‍යාලය සහ ලන්ඩන් සිටි සේන්ට් ජෝජ් විසින් සිදු කළ අධ්‍යයනයකින් මේ බව හෙළි වී තිබේ.මෙම පර්යේෂණයට අනුව වයස දෙකේදී තිර භාවිත සීමා පැනවූ දරුවන් වයස හතර හමාරේදී ස්ථුලභාවයට ගොදුරු වීමේ අවදානම අඩු බව පෙන්වා දෙයි.
පවුලේ තිර භාවිත නීති සහ ස්ථුලතාව අතර සෘජු සම්බන්ධතාවක් නොපැවතුන ද, එවැනි නීති පැවතීම ස්ථුලතාවයට හේතුවන හැසිරීම්වල නියැලීමේ අවදානම අඩු කරන බව සොයාගෙන ඇත. වැඩිදුර විශ්ලේෂණයෙන් පෙනී ගියේ පවුලේ තිර භාවිත නීති සහ ස්ථුලතාව අතර වක්‍ර සම්බන්ධතාවක් පවතින බවයි. මෙහිදී ස්ථුලතාවයට හේතුවන හැසිරීම් මැදිහත්කරුවකු ලෙස ක්‍රියා කරයි. මෙම සොයාගැනීම් අනුව, දරුවන්ගේ සෞඛ්‍ය හැසිරීම් වැඩිදියුණු කිරීමට සහ ළමා ස්ථුලතා අවදානම අඩු කිරීමට පවුලේ තිර භාවිත නීති ප්‍රවර්ධනය කිරීම ප්‍රබල උපායමාර්ගයක් විය හැකි බව පෙන්වා දෙයි.
