ඊයේ (04) වැනි දින පැවති වැදගත් සංවාදයකදී ජනාධිපති රනිල් වික්‍රමසිංහ මහතා දේශගුණික විපර්යාස පිළිබඳ එක්සත් ජනපද විශේෂ ජනාධිපති නියෝජිත ජෝන් කෙරී මහතා සමඟ නව්‍ය ක්‍රියාමාර්ග ඔස්සේ දේශගුණික විපර්යාසවලට එරෙහිව සටන් කිරීමට ශ්‍රී ලංකාවේ කැපවීම අවධාරණය කරමින් සාකච්ඡාවක නිරත විය.
දේශගුණික අභියෝගවලට මුහුණ දීම සහ තිරසාර විසඳුම් ප්‍රවර්ධනය කිරීම අරමුණු කරගත් පුළුල් උපාය මාර්ගයක් ප්‍රදර්ශනය කරමින්, විශේෂයෙන් දේශගුණික විපර්යාස විශ්වවිද්‍යාලයේ කටයුතු, රජයේ අභිලාෂකාමී සැලසුම් ජනාධිපති වික්‍රමසිංහ විසින් ගෙනහැර දැක්වීය. සංවාදයේ කේන්ද්‍රීය අවධානය යොමු වූයේ දේශගුණික විපර්යාසවලට ඵලදායී ලෙස මුහුණ දීම සඳහා අරමුදල්වල තීරණාත්මක අවශ්‍යතාවයයි. පෞද්ගලික අංශයේ කාර්යභාරය අවධාරණය කළ ජනාධිපති වික්‍රමසිංහ, දේශගුණය ආශ්‍රිත ව්‍යාපෘති සඳහා මූල්‍ය සම්පත් ඉහළ නැංවීමට ඔවුන්ගේ මැදිහත්වීමේ වැදගත්කම අවධාරණය කළේය.
ශ්‍රී ලංකාවට පැමිණ දේශගුණික විපර්යාසයන්ට එරෙහිව සටන් කිරීමට කැපවී රට විසින් ගෙන ඇති අඛණ්ඩ උත්සාහයන් සහ මුලපිරීම් සියැසින් දැක බලා ගන්නා ලෙස ජනාධිපතිතුමා කෙරී මහතාට ආරාධනයක් කළේය. දේශගුණික ක්‍රියාකාරකම් සඳහා ශ්‍රී ලංකාවේ ක්‍රියාකාරී ප්‍රවේශය සහ දේශගුණික විපර්යාසවල බලපෑම අවම කිරීම සඳහා ගෝලීය සහයෝගීතාවයේ වැදගත්කම හඳුනා ගැනීම මෙම සාකච්ඡා මගින් ඉස්මතු කරයි.
