Hollywood වරමට අත වනන අපේ “මේඝ”

ලෝකයේ කඩ­ව­සම් තරු­ණ­යන් අත­රින් අව­සන් Top 10 අත­රට තේරී පත් වූ මේඝ සූරි­ය­ආරච්චි හට මේවන විටත් Hollywood ඇරයුම් ලැබී ඇතැයි වාර්තා වේ. පසුගියදා වියට්නාමයේ පැවැති Mister World තරඟාවලියට එක්ව ඉකුත් 26 වැනිදා මධ්‍යම රාත්‍රීයේ කටු­නා­යක ගුව­න්තො­ටු­පළින් උප­න්බිම ලංකාව වෙත ඔහු පැමි­ණි­යේය.

ශ්‍රී ලංකාවේ පැවති මිස්ටර් ශ්‍රී ලංකා ( Mr: Sri Lanka ) තර­ගා­ව­ලි­යේදී මෙරට කඩ­ව­සම්ම තරු­ණයා ලෙස තේරී­පත් වූ මේඝ සූරි­ය­ආ­රච්චි මෙවර ලෝක Mister World තර­ගා­ව­ලි­යට ඉදි­රි­පත් වී තිබුණි.

ශ්‍රී ලංකාව මෙවැනි තර­ගා­ව­ලි­ය­කදී අව­සන් 10 අත­රට තේරී පත්වීම ජාත්‍ය­න්තර වශ­යෙන් ලබා ගත් ප්‍රථම ජය­ග්‍ර­හ­ණය බව මේඝ කටු­නා­යක ගුව­න්තො­ටු­පො­ළේදී පැව­සීය. මීට අම­ත­රව මේ තර­ගා­ව­ලි­යේදී හොඳම ඇඳුම් නිර්මා­ණ­යට හිමි සම්මා­න­යත්, මේ තර­ගා­ව­ලියේ වැඩිම ප්‍රේක්ෂක ප්‍රසා­දය හිමි­කර ගත් තරු­ණ­යාට හිමි සම්මා­න­යත් දිනා ගත් මේඝ සූරි­ය­ආ­රච්චි ආසි­යාවේ කඩ­ව­සම් තරු­ණ­යන් අත­රින් දෙවන ස්ථානය දිනා ගැනී­මට ද සමත් වී තිබුණි.

කොළඹ ඩී. එස්. සේනානයක විදුහලේ හා කැලණිය විශ්ව විද්‍යාලයේ අධ්‍යාපනය හැදෑරු ඔහු නළුවෙක් හා සිනමා අධ්‍යක්ෂකවරයෙක් ද වේ. මේ දිනවල තිරගත වන මන්දාරා සිනමා පටයේ ප්‍රධාන නළුවා වන්නේ ඔහුයි.

දේවි කුසුමාසන, කලර් පෙන්සිල්, සූරිය සුළග ඔහුගේ තිරගත වීමට නියමිත සිනමාපට කිහිපයකි. ” Marine Drive ” සිනමාපටයේ නිර්මාණකරුවා වන්නේද මේඝයි.