පාකිස්ථානයේ දේශපාලන රැලියක් අතරතුර සිදුවූ පිපිරීමකින් ජීවිත රැසක් අහිමි වෙයි..

පකිස්ථානයේ ඉස්ලාමීය පක්ෂයක් විසින් සංවිධානය කරන ලද රැලියක් අතරතුර සිදුවූ පිපිරීමකින් අවම වශයෙන් පුද්ගලයින් 44 දෙනෙකු ජීවිතක්ෂයට පත්ව තිබේ.

වයඹ දිග Bajaur දිස්ත්‍රික්ක Jamiat Ulema-e-Islam-Fazl (JUI-F) රැස්වීමක් පවත්වමින් සිටිය දී සිදුවූ පිපිරීමෙන් 100කට වැඩි පිරිසක් තුවාල ලබා ඇත.

මෙම පිපිරීම මරාගෙන මැරෙන ප්‍රහාරයක් විය හැකි බවට සාක්ෂි ලැබී ඇති බව පොලිසිය පැවසීය.

ගලවා ගැනීමේ මෙහෙයුමක් අවසන් කර ඇති අතර තුවාල ලැබූ සියලු දෙනා රෝහල් ගත කර ඇත.

පුද්ගලයන් 15 දෙනෙකුගේ තත්ත්වය බරපතල බැවින් මරණ සංඛ්‍යාව තවදුරටත් ඉහළ යා හැකි බවට බලධාරීන් අනතුරු අඟවා තිබේ.

ප්‍රහාරය පිටුපස ඇති පෙළඹවීම තවමත් පැහැදිලි නැත. ආරක්ෂක අංශ විසින් එම ප්‍රදේශය යේ ආරක්ෂාව තහවුරු කර ඇත. පිපිරීම සම්බන්ධයෙන් විමර්ශනයක් සිදුකෙරෙමින් පවතී.

ඇෆ්ගනිස්ථානයේ දේශසීමාව ආසන්නයේ, Khyber Pakhtunkhwa පළාතේ, පකිස්ථාන ගෝත්‍රික දිස්ත්‍රික්කයේ,

Bajaur, Khar නගරයේ ඉරිදා JUI-F කම්කරු සම්මේලනයට සියගණනක් ජනයා සහභාගී වෙමින් සිටියහ.

පිපිරුම වේදිකාවට ආසන්නව සිදු වූ විය. එක් ඇසින් දුටු සාක්ෂිකරුවෙකු පැවසුවේ කූඩාරම කඩා වැටුණු අතර,

මංමුලා සහගත ලෙස පැන යාමට උත්සාහ කළ පුද්ගලයින් කොටු වූ බවයි.

තුවාලකරුවන් ගිලන්රථවල රෝහලට රැගෙන යන ලද අතර,

බරපතල තුවාල ලැබූවන් හමුදා හෙලිකොප්ටර් මගින් හදිසි වෛද්‍ය ප්‍රතිකාර සඳහා අසල පිහිටි Peshawar වෙත යවා ඇත.

JUI-F හි කලාපීය නායකයෙකු වන Maulana Ziaullah පිපිරීමෙන් මිය ගිය බව ප්‍රාදේශීය නිලධාරීන් පැවසීය.